Më 14.09.2026 në ora 19:00, zyrtarët policorë nga SPB Tetovë kanë privuar nga liria personin F.SH.(27) nga fshati Reçicë e Madhe, rrethina e Tetovës. Paraprakisht, 22-vjeçarja F.A. nga Tetova ka denoncuar se rreth orës 15:50 në një qendër tregtare në Tetovë, F.SH. e ka kërcënuar, ndërsa më vonë me familjen e saj kanë shkuar para shtëpisë së tij për të biseduar me prindërit e tij, me ç’rast F.SH. e ka sulmuar fizikisht atë, nënën e saj E.A.(50) dhe axhën e saj L.A.(48), ndërsa sulmit i janë bashkuar edhe nëna dhe tezja e tij. Sipas denoncimit, F.SH. ka dëmtuar edhe automjetin e saj të pasagjerëve “Volkswagen Golf” me targa të Tetovës dhe telefonin e saj celular, përcjell Pa Censurë. F.SH. është ndaluar në Stacionin Policor dhe pas dokumentimit të plotë të rastit ndaj tij do të parashtrohet kallëzimi përkatës.
