Vitin e ardhshëm, mund të kemi një zgjidhje për çështjen e emrit, tha ndërmjetësi Matthew Nimic në Bruksel, pas raundit të parë të bisedimeve midis Athinës dhe Shkupit për të kapërcyer mosmarrëveshjen, shkruan e përditëshmja greke Kathimerini, përcjell Almakos.
Nimetz tha se bisedimet e Brukselit ndërmjet negociatorëve Adamandios Vasilakis dhe Vasko Naumovskit shkuan “shumë mirë në atmosferë” dhe se qeveria e re maqedonase e ka caktuar këtë çështje si përparësinë e saj kryesore dhe synon të përmirësojë marrëdhëniet me Greqinë.
Ndërmjetësi, gjithashtu tha se vlerësimi në anën greke është se zgjidhja e mosmarrëveshjes do të çojë në stabilizimin e rajonit.
‘Ne kemi pasur telefonata në të kaluarën, por për herë të parë kjo çështje po konsiderohet aq seriozisht”, tha Mathew Nimitz.
Pas tre vjet vonesë, bisedimet mbi çështjen e emrit të Maqedonisë kanë rimarrë vrullin thotë Nimetz, ai tha se në muajt e ardhshëm takime do të bëhet edhe më intensive në kuadrin e procedurës së parashikuar për takime me negociatorët në janar, shkurt dhe mars në Nju Jork, megjithëse është e mundur të mbahen dhe në territorin evropian.
“Takimi në Bruksel tregoi se ne duhet të bëjmë përpjekje të mëdha për të zgjidhur këtë çështje”, shtoi Nimetz.
Ai shpjegoi se në këtë takim të parë u bë një përpjekje për të përcaktuar temat. Në të, ai nuk dha propozimin e tij.
“I kam ndihmuar të dy palët. Ata i ekspozuan pozicionet e tyre dhe i dëgjova ato dhe dëshiroja të kuptoja pozicionet e tyre, pa përmendur nëse propozimet përmbanin një formulë të dyfishtë apo jo, – thotë “Kathimerini”.
Sipas gazetës, Nimetz shpjegoi se procedura nuk ka një afat të caktuar.
‘Nuk ka emër magjik, i cili do të zgjidhë problemin”, shpjegoi Nimetz./Almakos
