Numri i vdekjeve në të gjithë Meksikën për shkak të nxehtësisë ekstreme ka arritur në 249 gjatë katër muajve të fundit, ka raportuar Ministria e Shëndetësisë.Njëqind vdekje u regjistruan në Nuevo Leon, 28 në Tamaulipas, 26 në Veracruz dhe 26 në Sonora midis 19 marsit dhe 22 korrikut. Pjesa tjetër e vdekjeve u regjistruan në 12 shtete të tjera.Qeveria raportoi gjithashtu 3,169 “raste të lidhura me temperatura ekstreme”, raporton cnn.Në fund të muajit të kaluar, disa shtete meksikane u goditën nga temperaturat më të larta të të gjitha kohërave duke arritur në 45 gradë Celsius (113 gradë Fahrenheit) në vende të caktuara.Të paktën dy shtete (Baja California dhe Sonora) do të kenë temperatura mbi 45 gradë Celsius (113 gradë Fahrenheit). Pesë shtete të tjera do të kenë temperatura nga 40 deri në 45 gradë Celsius.Në të njëjtat ditë të vitit të kaluar, vendi raportoi “282 raste të lidhura me temperatura ekstreme natyrore dhe 38 vdekje në mbarë vendin, nga të cilat shtatë i atribuohen valës së tretë të të nxehtit dhe u njoftuan me vonesë”.Për të përballuar temperaturat e larta, qeveria rekomandon pirjen e të paktën dy litra ujë të ambalazhuar, të zier ose të dezinfektuar “shpesh” dhe shmangien e ekspozimit të zgjatur në diell, veçanërisht nga ora 11:00 deri në 15:00.Ata gjithashtu rekomandojnë përdorimin e veshjeve të përshtatshme, kremrave kundër diellit dhe kapelave.
