Ministria e Punëve të Brendshme gjatë ditës së djeshme (03.08.) vazhdoi me kontrollimet e përforcuara në trafik.
Vetëm në territorin e qytetit të Shkupit janë shqiptuar gjithsej 173 gjoba, prej të cilave 78 për tejkalim të shpejtësisë së lejuar, njëmbëdhjetë sanksione për drejtimin e automjetit pa patentë shofer, pesë gjoba për drejtimin e automjetit nën ndikimin e alkoolit.
Poashtu janë shqiptuar katër sanksione për mosshfrytëzimin e rripit të sigurisë gjatë drejtimit të automjetit dhe nëntë kundërvajtje për shoferët e motoçikletave.
Kontrollimet e përforcuara në trafik do të vazhdojnë edhe në ditët në vijim. Apelojmë deri te qytetarët t’u përmbahen rregullave dhe rregulloreve të trafikut me qëllim të rritjes së sigurisë në rrugë.
