Në Kuvendin e Republikës së Maqedonisë sot mbledhje do të mbajë Komisioni për çështje evropiane, në të cilën në rend dite është Propozim-ligji për përdorimin e gjuhëve në lexim të dytë.
Komisioni do t’i shqyrtojë amendamentet e parashtruara rreth tekstit të propozuar. Më pas ligji në lexim të dytë do të shkojë sërish në mbledhje plenare në debat, pas çka do të pasojë deklarimi final i deputetëve rreth tekstit.
Nevoja për sjelljen e ligjit për përdorimin e gjuhëve u votua nga deputetët më 15 nëntor të këtij viti. “Pro” votuan 66 deputetë, ndërsa 41 ishin “kundër”.
Debati i ligjit të gjuhëve në lexim të parë zgjati 8 ditë, dhe që në të tetë ditët deputetët e VMRO-DPMNE-së të njëjtin e vlerësuan si “antikushtetues” dhe “ligj që nuk i plotëson nevojat e të gjithë qytetarëve të Maqedonisë”. “Kundër” ligjit të gjuhëve në lexim të parë ishte opozitarja VMRO-DPMNE.
