Simptoma respiratore, temperaturë të lartë trupore, viroza sezonale, ftohje dhe kollë ishin arsyet e shpeshta për të kërkuar këshilla në linjën telefonike Alo doktor, gjatë javës së fundit, nga 28 nëntorit deri më 4 dhjetor.
Në numrin 02/15 123 gjatë javës së kaluar janë paraqitur 1343 qytetarë për këshilla. Thirrjet ishin nga qytetarët e të gjitha qyteteve të Maqedonisë dhe të gjithëve u është dhënë ndihmë shëndetësore me këshillë dhe terapi adekuate simptomatologjike.
Nga 15 shtatori i vitit 2014, kur u vendos linja këshillëdhënëse telefonike, në Alo doktor ka pasur gjithsej 122.755 thirrje. Linja është e disponueshme çdo ditë 24 orë me qëllim të mundësohet konsultim i drejtpërdrejtë mjekësor, ndërsa për këshilla mjekësore janë të disponueshëm 25 mjekë.
