Në 24 orët e fundit shkupjanët vetëm dy orë kanë thithur ajër të pastër

Në 24 orët e kaluara në Shkup, ajri ka qenë i pastër vetëm dy orë, ndërsa 22 orë ka qenë tepër i ndotur. Koncentrimi i grimcave PM10 në kuadër të kufijve të lejuar ka qenë në orën 15:00 në stacionet matëse në Gazi Babë dhe Lisiçe dhe në orën 16:00 në Gazi Babë. Në pjesën tjetër të ditës dhe natës në gjitha stacionet matëse koncentrimi i grimcave të dëmshme ka qenë mbi të lejuarën dhe ka arritur deri 470 mikrogram në metër kub. Në stacionin matës në Qendër koncentrimi i grimcave ka lëvizur prej 74 deri 152 mikrogram. Ndotja më e madhe ka qenë në Lisiçe, prej orës 21 deri në mesnatë ku koncentrimi në vazhdimësi ka qenë mbi 400 mikrogram.