MPB do të lëshojë letërnjoftime edhe sot

Të gjithë sektorët për punë administrative të MPB sot në ditën e zgjedhjeve lokale, do të punojnë dhe do të mund të lëshojnë letërnjoftime për qytetarët. Të gjitha kërkesat për lëshimin e letërnjoftimeve (të dëmtuar, të humbur apo të vjedhur) sipas procedurës së zbatuar ligjore, do të miratohen urgjentisht në të gjitha Sektorët rajonalë për punë administrative pranë Ministrisë së Punëve të Brendshme.
Siç kumtoi MPB, kërkesat për letërnjoftime do të pranohen edhe aprovohen urgjentisht.
Menjëherë pas pranimit të aplikimeve për letërnjoftime, Sektori për informatikë do t’i përpunojë dhe do t’i dorëzojë deri te sektori kompetent për shpërndarje me kohë deri te Sektori për punë administrative.
Sot,(e diel) në ditën e zgjedhjeve Sektori për punë administrative do të punojnë për lëshimin e letërnjoftimeve në periudhën prej orës 7:00 deri në orën 19:00./Almakos