Në seancën e sotme të Qeverisë është miratuar përmbajtja e Kontratës për ndërtimin e Korridorit 8 dhe 10D, produkt i negociatave që u zhvilluan për 28 ditë mes konsulentit të përzgjedhur për transaksion financiar IRD Engineering dhe konzorciumit ndërkombëtar Bechtel-Enka. Zëvendëskryeministri i parë, Artan Grubi njoftoi se ky është moment historik. “Gjithçka gati për të hedhur që nesër nënshkrimin në aktin më të rëndësishëm që i jep fund pritjes për fillimin e punimeve të projekteve të infrastrukturës bashkëkohore rrugore që do të shkurtojnë distancat dhe do të kenë impakt të jashtëzakonshëm në zhvillimin e vendit dhe rajonit. Mbi skepticizmin dhe obstruksionet, triumfoi guximi, vizioni dhe vendosshmëria! Urime të gjithëve! – ka shkruar Grubi në Facebook.
