Ministri i Shëndetësisë Bekim Sali sot ka vizituar Komunën e Kërçovës, ku realizoi takim me kryetarin e Komunës Fatmir Dehari.
“Diskutuam për sfidat me të cilat përballemi në kuadër të projektit për ndërtimin e spitalit të ri në Kërçovë dhe për mundësitë e tejkalimit të tyre. Menjëherë pas takimit, së bashku me kryetarin Dehari, e vizituam objektin e ri të spitalit të Kërçovës, ku e konstatuam gjendjen aktuale në terren”, deklaroi Sali pas takimit. Ai premtoi se në periudhën e ardhshme do të punohet intensivisht në sfidat e identifikuara dhe tejkalimin e tyre në interes të përparimit të shërbimeve shëndetësore për kërçovarët.
