Në kuadër të përgatitjeve për përballim më të suksesshëm të sfidave energjetike gjatë sezonit të ardhshëm dimëror, ShA MEPSO dhe kompania kroate Dalekovod nga Zagrebi, nënshkruan një marrëveshje për rikonstruksionin e trafo stacionit 400/110 kV në Dubrovë në afërsi të Negotinës, me vlerë prej 1.692.888 euro. “Projekti financohet me mbështetjen e kredisë nga Banka Evropiane për Rindërtim dhe Zhvillim të dedikuar për realizimin e projektit kapital “Interkoneksioni Maqedoni-Shqipëri Faza 1”. Marrëveshja mbulon rikonstruksionin e interkonjeksionit 400 kV dhe fushave ndihmëse 110 kV dhe pritet të përfundojë për 18 muaj.
Trafostacioni i Dubrovës është një pjesë e rëndësishme e sistemit transmetues elektroenergjetik të Maqedonisë, duke marrë parasysh lokacionin e tij në sistemet e interkonjeksionit, deklaroi drejtori i SHA MEPSO, Orhan Murtezani.
Me këtë marrëveshje, ShA MEPSO vazhdon me përforcimin, rehabilitimin dhe modernizimin e sistemit transmetues elektroenergjetik të RMV.
