Kombëtarja e futbollit të Maqedonisë nuk ka ndryshime në renditjen e listës më të re të FIFA-s të publikuar sot nga ana e FIFA-s. “Kuq-verdhët”, vitin 2017 e përfundojnë në vendin e 76-të. Nuk ka ndryshime as në TOP 10. Gjermania edhe më tej është lidere, para Brazilit dhe Portugalisë. Në dhjetë vendet e para janë: Argjentina, Belgjika, Spanja, Polonia, Zvicra, Franca dhe Kili. Progres më të madh prej 28-të vendeve, në renditjen e dhjetorit në Federatën botërore të futbollit ka Vanuatu, e cila është në vendin e 157-të, ndërsa Nikaragua është me rënie më të madhe – 13 vende
dhe tani ndodhet në pozicionin e 119-të. Sa i përket kombëtares së Kosovës, ajo ka humbur tre pozita në renditjen e përgjithshme të asociacionit më të lart të futbollit botëror, FIFA. Kosova tani renditet në vendin e 177-të në krahasim me muajin paraprak kur ishte e 174-ta. Kosova ka 97 pikë, ndërsa Shqipëria mbetet në pozicionin aty ku ishte. Kuqezinjtë janë në vend të 62-të me 553 pikë të mbledhura.
