Kryeparlamentari Xhaferi uron me rastin festës së Kurban Bajramit

Kryetari i Kuvendit të RM-së Talat Xhaferi në emrin e tij personal dhe në emër të deputetëve sot i dërgoi urim Bashkësisë Fetare Islame, të gjithë besimtarëve myslimanë dhe të gjithë qytetarëve me rastin e festës së Kurban Bajramit. “Festa që mbi gjithçka simbolizon dorën e solidaritetit midis njerëzve, dorën e mirësisë të atyre më të lumturve drejt atyre më pak të lumtur, fjalën e mirë dhe sjelljen njerëzore me shpresë se kjo ditë e bekuar e Kurban Bajramit do të na gjejë të bashkuar dhe në harmoni, në paqe dhe në mirëkuptim reciprok dhe do të na japë urtësi që t’i tejkalojmë dallimet në shoqërinë tonë e cila është e ndërtuar mbi vlerën e diversitetit etnik, fetar dhe kulturor, me qëllim që vendi të përparojë, ndërsa qytetarët dhe brezat e rinj të gëzojnë rezultatet e angazhimit tonë”, thuhet në urimin e Xhaferit. Kryetari i Kuvendit të Republikës së Maqedonisë në urim i dëshiroi qytetarëve që të kenë gjithmonë fat, paqe dhe mirësi në familje.