Konferenca e Parë Ndërkombëtare për Biodiversitetin

Në Universitetin e Tetovës, i zhvilloi punimet Konferenca e Parë Ndërkombëtare për Biodiversitetin e Masivit të Malit Sharr, e organizuar nga Instituti për Ekologji dhe Teknologji i Universitetit të Tetovës. Konferenca kishte për qëllim promovimin e hulumtimeve në disiplina të ndryshme, si: botanika, ekologjia, mbrojta e mjedisit, biogjeografia dhe gjeomorfologjia. Fillimit të konferencës i parapriu përurimi i Qendrës për Edukim Ekologjik dhe Qendrës Eko-Informative të Institutit për Ekologji dhe Teknologji. “Në Universitetin e Tetovës janë organizuar shumë debate, ligjërata, përurime librash, që pikërisht e kanë pasur temë kryesore natyrën dhe mbrojtjen e saj. Sot, profesorët dhe studentët tanë janë gati që në mënyrë profesionale t’i përgjigjen çdo iniciative apo projekti shkencor që synon mbrojtjen e pasurive dhe trashëgimisë natyrore”, tha në hapjen e kësaj konference rektori Vullnet Ameti.