Prokurori Publik Lupço Kovevski, sot në konferencë për media ka deklaruar se hetimi për tragjedinë në Koçani është zgjeruar me 19 persona shtesë.
„Të gjithë, ashtu si edhe ata të mëparshmit ndaj të cilëve ishte hapur hetim, janë të dyshuar për vepra të rënda penale kundër sigurisë së përgjithshme sipas nenit 292 në lidhje me nenin 288 të Kodit Penal. Për katër nga të akuzuarit është propozuar masa e paraburgimit, për shtatë të dyshuar është propozuar arrest shtëpiak në kombinim me ndalim për të komunikuar, dhe për edhe shtatë persona të tjerë janë propozuar masa kujdesi. Njëri nga të dyshuarit, në momentin e hapjes së hetimit, ndodhej jashtë shtetit“, tha Kocevski.
Kocevski theksoi se ndër të dyshuarit e rinj janë tre persona që në një moment të caktuar kanë ushtruar funksionin e ministrit të ekonomisë, dy sekretarë shtetërorë dhe tre zyrtarë përgjegjës për sektorin e gastronomisë dhe turizmit, të cilët kanë punuar në Ministrinë e Ekonomisë.
„Kanë mundësuar që ‘Puls’ të marrë licenca dhe të vazhdojë në mënyrë të paligjshme të ushtrojë veprimtari gastronomike gjatë gjithë periudhës nga hapja e objektit deri te zjarri. Ministri aktual i ekonomisë nuk është i përfshirë pasi pronari nuk ka iniciuar procedurë për licencë“, shtoi Kocevski.
Data 13.09.2025
Aktuale
- VMRO-DPMNE ka njoftuar se ka kompletuar listën e këshilltarëve dhe kandidatëve për kryetarë komunash
- Krasniqi: Stadiumi i madh i Prizrenit duhet të ndërtohet në një vend tjetër
- SHBA zotohet të mbrojë ‘çdo centimetër të territorit të NATO-s’
- Trajneri i Napolit: Rrahmani mungesë e madhe, por e zëvendësojmë
- Krenar Lloga: 30 vite marrëdhënie diplomatike – në podium asnjë qeveritar shqiptar
- Sadri Ramabaja i kundërpërgjigjet Ben Blushit: Kosova është hap drejt Federatës Shqiptare
- “Policia na tha: ‘Ja pafshi hajrin’”- IKMT do t’i shembë banesën, i moshuari: 30 vite ia kam dhënë votën Edi Ramës, të më “pushkatosh” tani është gjynah
- Arrestohen pesë persona nga Tetova dhe Gostivari, tek të cilët janë gjetur marihuanë dhe kokainë