Prej kujt pret vota Ali Ahmeti në raundin e dytë? Ja përgjigja e tij!

Pas takimit me kryeministri Edi Rama, lideri i BDI-së Ali Ahmeti, i pyetur se nga cila parti pret vota në rrethin e dytë tha se opinioni do të informohet për çfarëdolloj marrëveshje që do të bëj BDI. Ai tha se me LSDM-në kanë marrëveshje për bashkëpunim që në rrethin e parë.
“E kemi thënë se ne marrëveshje të fshehta nuk kemi dhe nuk do të bëjmë. Ne kemi marrëveshje para se të fillon cikli zgjedhor dhe do të përpiqemi edhe më tutje të prodhojmë edhe klimë pozitive tek qytetarët por edhe një klimë të mirë që të kthehet dhe të materializohet edhe tek qytetarët por edhe në dobi të stabilitetit dhe të proceseve. Ne kemi procese shumë të rëndësishme që na presin dhe duhet të gjitha energjitë t’i vëmë në funksion në funksion të këtyre proceseve”, deklaroi Ahmeti, përcjell SHENJA.
Në lidhje me takimin me Ramën, Ahmeti tha se:“Ishte një takim shumë i dobishëm, e informova Ramën mbi rrjedhat politike, për zgjedhjet që u zhvilluan të dielën sepse kishte mjaft interesim nga Rama. Ai më inkurajoi që po kështu të vazhdojmë edhe në rrethin e dytë që R. e Maqedonisë të vazhdojë në proceset e nisura drejt reformave në gjyqësi dhe drejt rrugës së nisur euroatlantike”