Një i paraburgosur ka ndërruar jetë ditën e sotme në ambientet e Reanimacionit Qendror të QSUT-së.
Ngjarja ka ndodhur rreth orës 10:30, kur i paraburgosuri Aurel Sabriu, ndërroi jetë.
Fillimisht ai ishte shoqëruar në Spitalin Rajonal të Korçës, pasi humbi ndjenjat në dhomën e tij pas takimit me të atin.
Më pas, përmes rekomandimit të mjekëve, u transferua e u shtrua në Reanimacionin Qendror në QSUT për shkak të problemeve kardiake, por ndërroi jetë aty.
I paraburgosuri Aurrel Sabriu, ishte arrestuar më 22 maj 2024 si i akuzuar për dhunë në familje, e ishte transferuar në IEVP të Korçës me datë 25 maj 2024.
Njoftimi:
I paraburgosuri Aurrel Sabriu ka ndërruar jetë sot, më datë 04.09.2024, rreth orës 10:30, në Reanimacionin Qendror të QSUT-së.
Shtetasi i paraburgosur ishte shoqëruar në Spitalin Rajonal Korçë, pasi humbi ndjenjat në dhomën e tij pas takimit me të atin.
Me rekomandim të mjekëve të spitalit, ai u transferua dhe u shtrua në Reanimacionin Qendror në QSUT për shkak të problemeve kardiake.
Institucioni i Ekzekutimit të Vendimeve Penale Korçë ka ndërmarrë të gjitha masat e nevojshme për njoftimin e Prokurorisë, Komisariatit të Policisë Nr. 4 Tiranë, si dhe Specialistit të Shërbimit për Çështjet e Brendshme dhe Ankesat (SHKBSB).
I paraburgosuri Aurrel Sabriu, i lindur më 29.08.1975 në Maliq, ishte arrestuar më 22.05.2024 për dhunë në familje dhe ishte transferuar në IEVP Korçë më datë 25.05.2024 nga Komisariati i Policisë Korçë.
