Gjykimi për Grujovskin në Selanik anulohet, s’ka përkthyes

Goran Grujovski dhe Nikolla Boshkovski sot duhej të dalin para gjykatës penale në Selanik të Greqisë lidhur me pasaportat e falsifikuar që i kanë përdorur për të dalë nga shteti, por seanca është anuluar shkaku se nuk ka patur përkthyes nga greqishtja në maqedonisht. Gjykimi është shtyrë për 24 tetor. Në mënyrë shtesë, Gjykata e Apelit në Selanik do të vendosë edhe për ekstradimin në Maqedoni të cilin Grujovski dhe Boshkovski e kanë refuzuar. Arsyetimet e dy të arratisurve nga Maqedonisë, të akuzuar për përgjim të paligjshëm, kanë qenë se ata janë pre e përndjekjes politike dhe nëse kthehen në MAqedoni krerë të lartë të policisë do tu hakmerren. Grujovski dhe Boshkovski u kapën të mërkurën në Selanik, teksa tentonin të kalonin kufirin me pasaporta bullgare. Nëse gjyqësori grek vendos që ti ekstradojë dy ish të punësuarit në DSK, ata menjëherë do të dërgohen në paraburgim në Shutkë prej ku do të zhvillojnë gjykimin dhe do të presin vendimin gjyqësor.