Gjithsej 662 persona kanë konkurruar për masën Bujk i ri, ku përfitojnë 10.000 euro të pakthyera

Sipas Agjencisë për Mbështetje Financiare në Bujqësi dhe në Zhvillimin Rural (AMFBZHR), për masën kanë konkurruar 662 persona, ku do të përfitojnë 10.000 euro të pakthyera mbështetje financiare për bujq të rinj për fillimin e veprimtarisë bujqësore. Siç kumtoi Ministria e Bujqësisë, Pylltarisë dhe Ekonomisë së Ujërave (MBPEU), aplikacionet e arritura tashmë shqyrtohen, që të vërtetohet nëse i plotësojnë kushtet e caktuara në shpallje, ndërsa deri në fillim të tetorit pritet evoluimi të përfundojë. Pastaj, aplikuesve që i kanë plotësuar kushtet, AMFBZHR do t’u japë vendime, pas së cilës pason lidhja e marrëveshjes për mbështetje financiare. Ata aplikues që nuk kanë plotësuar kushtet e caktuara, do të marrin vendim se janë refuzuar me elaborim të shkaqeve. Aplikantët, të cilët do të shfrytëzojnë këtë masë, pasi që do ta lidhin marrëveshjen duhet të fillojnë me kryerje të investimeve konform planit të tyre afarist. AMFBZHR do të kryejë kontrolle të rregullta, sa e realizuara në terren është në pajtim me biznes-planin e ofruar të aplikuesit. “Evoluimi, por edhe ndarja e mjeteve financiare do të zhvillohet me llogaridhënie, në mënyrë profesionale dhe joselektive”, potencoi MBPEU. Kjo masë ekzistoi edhe më parë, por me kritere “i pari i ardhur, i pari i shërbyer”.