Gashi: Shpresojmë se ky koalicion do t’i sjell të mira shqiptarëve të Maqedonisë

Shef i shtabit zgjedhor të Lëvizjes BESA, Afrim Gashi tha se një kohë të gjatë opinioni e pret bashkëpunimin mes Lëvizjes BESA dhe Aleancës për shqiptarët.
Ai u bëri thirrje gjithë aktivistëve të BESËS të votojnë Aleancën për Shqiptarët në komunat ku ata garojnë kundër BDI-së, por jo vetëm të votojnë, por të jenë edhe aktiv.
“I fitoj gjithë aktivistët simpatizantët e BESËS që në komunat ku garon Aleanca përveç votës të jenë aktiv dhe të bëjnë çmos që në skenën politik të menaxhoj një strukturë e re politike. Shpresoj që kjo frymë që tash po ndërtohet të jetë frytdhënëse dhe në të ardhmen të jetë një koalicion për të ardhmen. Është një test për ne dhe shpresoj që edhe në të ardhmen të sjell ndryshime”, ka thënë Afrim Gashi, raporton SHENJA.
Ai ka shtuar se shpresa është që ky koalicion t’i sjell të mira shqiptarëve dhe Maqedonisë.