Fazë e portokalltë në tre ditët e ardhshme

Edhe gjatë tre ditëve të ardhshme Maqedonia do të përfshihet nga faza portokalltë e cila karakterizohet me temperatura mbi 40 gradë celcius. Ministria e Shëndetësisë sërish doli me rekomandimet e njohura që nga puna të lirohen gratë shtatzëna dhe personat mbi 60vjec. Gjithashtu punëdhënësve iu rekomandohet që ta riorganizojnë orarin e punës në mënyrë që të evitojnë aktivitete në vendet e hapura në periudhën kohore nga ora 11:00 deri më 17:00. Po ashtu kërkohet që të mos realizohen aktivitete sportive në vende të hapura në periudhën kohore nga ora 11:00 deri më 17:00 dhe veçanërisht kopshteve për fëmijë iu rekomandohet që të mos i ekspozojnë fëmijët në ambiente të hapura dhe të mos praktikojnë aktivitete sportive në këtë periudhë kohore. Nga ministria e Shëndetësisë u apelojnë qytetarëve që pa nevojë të mos dalin jashtë nga ora 11-17, të konsumojnë më shumë lëngje, të veshin rroba të lehta dhe të kenë më shumë kujdes gjatë përgatitjes së ushqimit.