Kryetari i LSDM-së, Zoran Zaev veçmë ka siguruar 61 deputetë për të marrë mandatin për formim të qeverisë së re, njoftojnë burime të sigurta partiake për Gazetën Lajm. Sipas tyre, në kontaktet paraprake telefonike që ka realizuar me partitë shqiptare, Zaev ka marrë garanci se do të ketë 61 nënshkrime deputetësh për të marrë mandatin, mirëpo kjo nuk është garanci se do të mund të formojë edhe qeverinë e re. “Mbetet që deputetët vetëm formalisht të nënshkruajnë mbështetjen e tyre për Zaevin si mandatar. Mirëpo para se të zgjedhet kryeministër, ai do të kalojë një proces të vështirë të negociatave me partitë shqiptare ku do të përballet me kërkesat e tyre”, thonë burime të Gazetës Lajm, që dëshirojnë të mbeten anonime.
