Ditën e djeshme kanë votuar 70% e të burgosurve

Dita e djeshme ka qenë ditë për votuesit pa të drejtë lirie dhe personat me aftësi të kufizuara.  Gjithësej 70% e të burgosurve me të drjetë vote në burgjet e Maqedonisë kanë votuar, tha Ljupka Guguçevska nga KSHZ. Të gjithë të burgosur nuk kanë arritur të votojnë. ”Secili ka të drejtë ankese tek komisioni përkatës”- shton Ljupka Guguçevska. Ata kanë deklaruar se nuk mund për momentin të konfirmojnë këto raporte, por kanë thënë se nga përvoja e deritashme është e njohur se të burgosurit nuk kanë dokumente të identifikimit ose nuk janë në Listën zgjedhore sepse janë burgosur pas mbylljes së kësaj liste.
Në burgun e Idrizovës ka 1.810 të burgosur, ndërsa në listën zgjedhore janë të evidentuar 955 votues nga 60 komuna.
Ditën e djeshme të drejtën e votës e kanë shfrytëzuar 1.882 persona. Këtu përfshihen të burgosurit, të mbajturit në shtëpitë-ndëshkimore korrektuese, personat e zhvendosur, si dhe të pafuqishmit dhe të sëmurit të cilët kanë kërkuar atë nga komisionet zgjedhore komunale./Almakos