Bilanci i Superkupës: 12 të arrestuar, mjekët pa shumë punë

Policia ka arrestuar gjithsej 12 persona, prej të cilëve shtatë shtetas të huaj dhe pesë të Maqedonisë, për shkak të shitjes së biletave për ndeshjen e Superkupës.
Nga të arrestuarit, dy janë anglez, dy ukrainas, një rus, një serb dhe dy maqedonas.
Bëhet fjalë për dy shtetas të Anglisë të cilët kanë shitur bileta dy shtetasve të Ukrainës.
Për ngjarjen është njoftuar Prokurori Publik dhe me procedurë urgjente do të pason padi adekuate për veprën penale “tregti e palejuar”.
Ndërkaq sipas informatave nga ekipet kujdestare mjekësore, gjatë mbrëmjes së djeshme të UEFA Superkupës, nuk ka pasur rritje të numrit të zakonshëm të ndërhyrjeve.
Në Klinikën e Toksikologjisë nuk ka arritur asnjë pacient, në kujdesin emergjent nuk janë të regjistruara kolapse dhe vetëm një shtetas i huaj me krahun e thyer është transportuar në Klinikën për sëmundje kirurgjike “Shën Naumi i Ohrit”.
Gjithashtu, nga Qendra Emergjente në kompleksin e klinikave informojnë se mbrëmja ka kaluar qetë dhe pa rritje të numrit të intervenimeve.