Besa nuk do të marrë pjesë në debatin e amendamenteve për ligjin e gjuhëve

Deputetët e Besës nuk do të marrin pjesë në vazhdimin e debatit për amendamentet për Propozim ligjin për përdorimin e gjuhëve në Komisionin për Çështje Evropiane. “Nuk do të marrim pjesë në punën e Komisionit sepse konsiderojmë se do të vazhdojë teatri dhe ne nuk e kemi ndërmend që të marrim pjesë në këtë teatër” tha deputeti Fadil Zendeli. Besa kërkon që të votohet për dy amendamentet e saj, i pari të ndryshojë emri i ligjit dhe të quhet Propozim ligj për përdorimin e gjuhës shqipe, ndërsa i dyti për përdorimin e plotë të gjuhës shqipe në institucionet shtetërore. Deputetët e Besës në pyetjen e gazetarëve thanë se nuk kanë marrë ftesë për pjesëmarrje në Qeveri.