Batincë, mësuesi sulmohet gjatë orës së mësimit

Një mësues me inicialet A. E. 48 vjeç, mësimdhënës në shkollën fillore në Batincë të Shkupit ka njoftuar policinë sepse paraditen e sotme në kohën që po jepte mësim në këtë shkollë, në klasë ka hyrë shtetasi me inicialet A. J. 58 vjeç dhe fillimisht e ka ofenduar verbalisht e më pas e ka sulmuar edhe fizikisht. Shenjat e dhunës janë të qarta pasi ka marrë dëmtime në fytyrë. Këtë e vërteton edhe policia, “shtetasi A. E. ka marrë lëndime të dukshme”, thuhet nga policia. Një veturë polici ka mbërritur në vendin e ngjarjes dhe po punohet për zbardhjen e plotë të rastit.