Filloi aksioni ekologjik “Fundjava Gjenerale 2025” organizuar nga Men End Mounten në bashkëpunim me disa kompani partnere dhe shoqata qytetare, ndërsa mbështetet edhe nga Ministria e Arsimit dhe Shkencës. Në këtë aksion janë përfshirë qindra aktivistë për të pastruar Maqedoninë e Veriut, raporton SHENJA. Në shënimin e fillimit të aksionit ekologjik morën pjesë edhe Presidentja e Maqedonisë, Gordana Siljanovska Davkova, Zëvendëskryeministri dhe ministri i Mjedisit Jetësor dhe Planifikimit Hapësinor, Izet Mexhiti, Kryetari i BNJVL-së, kryetari i Komunës së Kisella Vodës, Orce Gjorgievski, kryetari i Komunës së Çairit, Visar Ganiu si dhe përfaqësues të disa kompanive dhe shoqatave që mbështesin aksionin.…
Author: almakos
Policia e Durrësit ka shpallur në kërkim një 37-vjeçar dhe një 25-vjeçare, pas dyshimeve se 37-vjeçari ka qëlluar me armë zjarri gjatë drejtimit të automjetit për të kanosur një shtetas. Sipas hetimeve, dyshohet se shtetasi I. N., ndërkohë që qarkullonte me automjet dhe kishte pasagjer shtetasin R. M., në lagjen nr. 13, Durrës, ka qëlluar me armë zjarri për të kanosur shtetasin D. K., 50 vjeç, për motive të dobëta. Pas ngjarjes, ata janë larguar me automjetin e dyshuar. Policia ka shpallur në kërkim shtetasit I. N., 37 vjeç dhe R. M., 25 vjeç, banues në Durrës, si dhe automjetin…
Ministri për Transformim Digjital, Stefan Andonovski, dje ishte i ftuar në emisionin “Për apo kundër” në televizionin Alfa, ku informoi se janë mbyllur 53 bastore online, organizatore të lojrave të fatit në mënyrë të paligjshme. “Do të doja të theksoj një risi, kam nënshkruar urdhrin e parë për mbylljen e 53 organizatorëve të paligjshëm të lojërave të fatit online. Me këtë ndalohen 53 portale që në mënyrë të paligjshme kanë organizuar lojëra fati në Maqedoni dhe në të cilat janë përfshirë banorë nga Maqedonia e Veriut. E dimë që janë nga Maqedonia sepse lidhen nga adresa nga vendi ynë dhe…
Prokuroria e Posaçme Kundër Korrupsionit dhe Krimit të Organizuar (SPAK) ka kërkuar dënimin me 17 vite burg për Islam Sefën, të akuzuar si lider i një grupi kriminal që trafikonte drogë me vlerë 3.3 milionë euro në Gjermani. Sefa dyshohet si drejtues dhe financues i aktivitetit të paligjshëm që ka sjellë trafikimin e 912 kg marijuanë në këtë vend. Nëse Sefa dënohet, ai përfiton nga gjykimi i shkurtuar dhe dënimi mund të ulet në 11.4 vite burg. Hetimet e SPAK kanë treguar se grupi ka operuar në periudhën 2020-2021, me trafikun e një sasie të konsiderueshme droge, që kishte vlerën…
Autori i vrasjes së mbrëmshme në Shtip dhe katër persona të tjerë, për ndihmë të arratisjes së autorit janë arrestuar nga Policia, bëri të ditur sot MPB, raporton SHENJA. “Më 08.05.2025 në orën 21.25, në SPB Shtip u raportua se në një objekt hotelierik në sheshin e qytetit në Shtip kishte qëlluar me armë zjarri E.O. (25) nga Republika e Turqisë , pas së cilës autori i krimit iku me një automjet. I plagosuri u transportua në Spitalin Klinik të Shtipit ku ndërroi jetë në orën 22:10. Pasi u morën masa dhe aktivitete, përfshirë përdorimin e një droni, pranë pikës…
Një ngjarje tronditëse ka ndodhur në Prato të Italisë, ku një 35-vjeçar shqiptar është goditur për vdekje me thikë në rrugën Corridoni ditën e djeshme. Viktima ka qenë i rrethuar nga një grup bashkatdhetarësh, të cilët e kanë goditur në zemër, duke e lënë të vdekur në asfalt. Në vendngjarje është gjetur gjithashtu një 21-vjeçar shqiptar, i cili ishte plagosur disa herë me thikë. Ai, siç raportohet, ka ndërhyrë për të mbrojtur 35-vjeçarin, por ka përfunduar i plagosur në përpjekjet e tij. Viktima, i cili nuk kishte dokumente me vete, ende nuk është identifikuar. Sulmi ndodhi në një kopsht publik…
Një ngjarje e rëndë ka ndodhur mbrëmë në zonën e Neos Kosmos, ku një bombol gazi shpërtheu në flakë ndërkohë që një adoleshente 15-vjeçare po gatuante me nënën e saj në kuzhinë. Sipas mediave greke, vajza ka pësuar djegie të gradës së dytë dhe në ditët në vijim do t’i nënshtrohet ndërhyrjeve plastike kirurgjikale për të reduktuar dëmin në lëkurë. Shpërthimi ndodhi në rrethana ende të paqarta, ndërsa autoritetet po hetojnë mundësinë e një rrjedhje gazi si shkak të incidentit.
Sot janë mbushur 10 vjet, kur banorët e Kumanovës u zgjuan të trishtuar dhe nën ankth nga krismat e automatikeve, madje edhe artilerive të rënda. Policia e shtetit me të gjitha njësitë speciale, më 9 maj 2015, kishin rrethuar Lagjen e Trimave për të kapur siç thanë ata, një grup të armatosur me rreth 40 persona, që kishin hyrë nga Kosova, nga ku edhe filloi shkëmbimi i zjarrit ndërmjet tyre. Në konfliktin e armatosur, mbetën të vrarë tetë pjesëtarë të forcave policore, ndërsa rreth dyzetë mbetën të plagosur. Ndërkaq, nga ana tjetër u vranë 10 pjesëtarë të grupit të armatosur. Ky aksion i policisë, që ngjante me gjendje…
Kreu i Lëvizjes Shqipëria Bëhet, Adriatik Lapaj, është paraqitur këtë mëngjes pranë ambienteve të Gjykatës së Posaçme për të marrë pjesë në procesin gjyqësor ndaj kreut të Partisë Mundësia, Agron Shehaj, të cilin e ka paditur për shpifje. Kujtojmë se më 1 prill, Lapaj ka dorëzuar në Prokurorinë e Posaçme një padi për shpifje ndaj Shehajt.
Dita e premte do të jetë me mot relativisht të paqëndrueshëm, sipas Shërbimit Meteorologjik Ushtarak. Prej orëve të mesditës reshje shiu me intensitet të ulët fillimisht në jug e më pas në pjesën më të madhe të vendit. Temperaturat minimale do të jenë 6 gradë Celsius, ndërsa maksimale 27 gradë. Era do të fryjë nga kuadrati i veriut me shpejtësi mesatare deri në 6m/s. Valëzimi në det do të jetë 1-2 ballë.
Sot zhvillohet etapa e parë e “Giro d’Italia 2025”, e cila nis nga qyteti i Durrësit, kalon në Elbasan dhe përfundon në Tiranë. Gara starton në orën 13:10 nga qyteti bregdetar i Durrësit dhe përfundon në orën 17:30 në Tiranë, duke shënuar kështu një moment historik për vendin tonë, si pritës i njërës prej garave më prestigjioze të çiklizmit botëror. Policia e Shtetit ka hartuar një plan të detajuar masash për menaxhimin e qarkullimit rrugor dhe për garantimin e mbarëvajtjes së aktivitetit sportiv. Sipas njoftimeve zyrtare, akset rrugore që përfshihen në itinerarin e garës do të jenë të lira për…
EMISIONI VETTING Pikët maksimale pavarësisht mungesës së transparencës Në vitin 2019, Këshilli i Ministrave miratoi vendimin për lidhjen e një kontrate qiraje me tarifën simbolike prej “1 euro” ndërmjet Ministrisë së Financave dhe Ekonomisë dhe shoqërisë “ALLIANCE RESOURCE” shpk, në kuadër të nismës “Shqipëria 1 euro”. Kjo kompani me përgjegjësi të kufizuar, e themeluar në vitin 2017, ka dy pronarë që zotërojnë nga 50% të aksioneve secili, Mbarime Koroçi shtetase shqiptare dhe Wen Ming, lindur dhe banues në Guangxi të Kinës, ç’ka e bën këtë një shoqëri me kapital të përbashkët shqiptaro-kinez. Përmes kësaj nisme, “ALLIANCE RESOURCE” ka përfituar të…
