Alkaloid për herë të dytë është shpallur fitues absolut për punëdhënësin më atraktiv, gjegjësisht kompani më e dëshirueshme në vend për të punuar për gjatë vitit 2023, bazuar në kriteret e mëposhtme: monitorimi i interesimit për njoftimet e kompanisë dhe reklamat nga vizitorët tek uebfaqja “vrabotuvanje.com”, interesimi i aplikantëve dhe anketa e realizuar me temë “Në cilën kompani do të punësoheshit pa u menduar?”. Ngjarja për herë të parë u realizua në vitin 2023 përmes simbolikës së Oscars për punëdhënësit në vend, me qëllim të afirmimit të praktikave pozitive të tregut të punës në Maqedoni.
Çmimi për punëdhënës më i dëshiruar dhe i kërkuar të vitit iu dorëzua drejtorit të përgjithshëm dhe kryetarit të bordit të drejtorëve të “Alkaloid”, Zhivko Mukaetov, i cili tha se, ky është një shpërblim për 3000 familje që punojnë në ‘Alkaloid’ në Maqedoni dhe filialet jashtë vendit! Njohje për të gjithë punën, njohuritë dhe aftësitë që janë përfshirë në secilin prej produkteve tona dhe në secilin prej proceseve tona gjatë 88 viteve të fundit të ekzistencës. Kjo mirënjohje është dëshmi se vërtet ka njerëz cilësorë në Maqedoni, u shpreh Mukaetov.
Data 01.05.2024
Aktuale
- Kovaçevski: Të gjitha forcat demokratike të mbështesin të ardhmen evropiane të Maqedonisë së Veriut
- Janë gjetur eshtra njerëzish në oborrin e Klinikës së Psikiatrisë në Shkup
- Maqedoni, fillon regjistrimi i nxënësve të klasës së parë për vitin shkollor 2024/25
- RMV: Vendi i vetëm në Evropë me kosto më të ulët të jetesës
- A do të jetë ministër i brendshëm? Mexhiti nuk e mohon
- Vettingu, kusht për qeverinë e re/Fronti Europian: Pa vetting, nuk ka progres në luftën ndaj korrupsionit
- Shefi i Bayernit e konfirmon përfundimisht të ardhmen e Tuchel
- SPB Ohër: Qytetarët të mos bien pre e telefonatave për aksidente të rreme