Ministri për Shoqeri Informatike, Admirim Aliti njoftoi se në seancën e sotme qeveritare u miratua propozim ligjin për ratifikimin e Marrëveshjes për partneritet midis Republikës së Maqedonisë së Veriut me Republikën e Kosovës.
Aliti ka numëruar edhe vendimet tjera që ka miratuar Qeveria në mbledhjen e sotme.
“Miratuam Strategjinë Nacionale për barazi dhe jo diskriminim 2022-2026;
– Propozim ligjin për inspekcionin financiar në sektorin publik;
– Ligjin për paga të Prokurorëve Publik;
– Rritjen e pagave e të punësuarve në sistemin gjyqësor për 15 %”, njoftoi Aliti.
