Si mbajtës i patentës së parë ndërkombëtare për ilaçin Omeprazol në formë të lëngshme i “Alkaloid” ishte sponsor i Konferencës së Parë Ndërkombëtare për Qasjet Moderne ndaj Trajtimit të GERD tek Pacientët Pediatrikë, të organizuar në Zagreb. Më shumë se 200 profesionistë të kujdesit shëndetësor dhe përfaqësues të “Alkaloid” morën pjesë në këtë ngjarje globale nën patronazhin e kompanisë. Eventi u përqendrua në Omeprazolin e parë të lëngshëm të patentuar, një inovacion që sjell përmirësime të konsiderueshme në trajtimin pediatrik të kësaj sëmundjeje. “Ky produkt nxjerr në pah angazhimin e Alkaloid ndaj arritjeve më të larta në fushën farmaceutike dhe vendos standarde të reja në prodhimin e barnave gjenerike, me fokus në inovacion dhe diferencim në treg’, deklaroi Zivko Mukaetov, drejtor i Përgjithshëm dhe kryetar i Bordit të Drejtorëve të Alkaloid. Tretësira e omeprazolit është e disponueshme në tregjet e Maqedonisë, Mbretërisë së Bashkuar, Irlandës, Rumanisë dhe Kroacisë. Aktualisht, produkti është në proces të marrjes së autorizimit të tregtimit në disa vende të tjera.
