Ajnhorst: BE-ja ka ndikim të madh në Ballkan

Drejtoresha e Ballkanit perëndimor në Shërbimin evropian për punë të jashtme, Angelina Ajnhorst konsideron se, BE-ja ka ndikimin më të madh në rajon. Gjatë një konference për zgjerimin e BE-së në Ballkanin Perëndimor, të organizuar në Qendrën për studimin e politikave evropiane (CEPS) në Bruksel, ajo theksoi se Unioni ka ndikim më të madh në Ballkan, mekanizma më të mirë, politikë më të mirë dhe mënyrën më të mirë që të realizojë rezultate konkrete.
“Ne nuk jemi aty sepse konsiderojmë se dikush tjetër do të vijë dhe do ta prishë çorbën, por sepse mendojmë se është e rëndësishme që njerëzit që jetojnë në rajon dhe ata në BE së bashku të punojnë për paqe dhe prosperitet”, ka deklaruar Ajnhorist.