Rekord rastesh të reja me COVID-19 janë regjistruar sot në vendin tonë, po ashtu edhe numri i testeve ka qenë rekord. Kështu, në 24 orët e fundit janë kryer plot 5 057 të dyshuara për COVID-19 dhe prej tyre 1 299 kanë rezultuar pozitivë. Po ashtu në 24 orët e fundit kanë humbur betejën me virusin edhe 24 pacientë të tjerë duke e çuar numrin e përgjithshëm të vdekjeve në 3 448. Instituti i Shëndetit Publik njofton se në 24 orët e fundit janë shëruar 413 persona. Numri i rasteve aktive me koronavirus është 15 475.
