Në hyrjen e fshatit Trebovle, komuna Makedonski Brod, zjarr i madh kaploi hapësirwn malore me sipërfaqe prej 200 hektarëve. Nga Drejtoria për mbrojtje dhe shpëtim, për TV21 pohuan se janë dërguar dy aeroplanë për shuarjen e zjarrit, nga tipi “ER TRAKTOR”, dhe se nga Armata e Maqedonisë është kërkuar përforcim me dy helikopterë. Në aksionin për shuarjen e zjarrit marrin pjesë dhe banorët lokalë, njësitë e zjarrfikëseve nga Makedonski Brod dhe nga Kërçova, punëtorë nga ndërmarrja “Pyjet e Maqedonisë”. Tani për tani nuk ka rrezik pas sigurisë së fshatit Trebovle, thonë nga komuna Makedonski Brod.
