VMRO-DPMNE: Qeveria e re po e dërgon shtetin drejt bankrotimit

LSDM me politikën ekonomike të cilën po e udhëheq periudhën e fundit po e dërgon shtetit drejt bankrotimit, kanë thënë sot nga VMRO-DPMNE.
“Ekonomia po shkon duke u dobësuar, qeveri e re për vetëm 100 ditë i shtiu në borxh qytetarët për 350 milionë denarë. LSDM dhe Zaev goditën mbi qytetarët, duke shkurtuar shuma të mëdha të parave nga buxheti të cilët ishin dedikuar për përmirësimin e jetës së çdo maqedonasi. I gënjyen të rinjtë dhe studentët se pas mbarimit të shkollimit do të jenë të punësuar”, kanë reaguar nga VMRO-DPMNE.
Ata kanë shtuar se Qeveria ka shpallur luftë investitorëve të huaj dhe këtë sipas tyre e bëjnë me qëllim largimin e tyre nga Maqedonia.