VLEN ka reaguar ashpër ndaj partisë BDI, duke e akuzuar për humbje të besimit politik dhe për, siç thonë ata, përdorim të çështjeve studentore për qëllime politike.
Në deklaratën e saj, VLEN vlerëson se BDI “është e shkërmoqur politikisht” dhe se, pas më shumë se dy dekadash në pushtet, nuk ka arritur të adresojë disa çështje të rëndësishme për shqiptarët, përfshirë përdorimin e gjuhës shqipe në provimin e jurisprudencës.
VLEN akuzon gjithashtu disa prej përfaqësuesve të BDI-së, përfshirë Bujar Osmani, Arbër Ademi, Blerim Bexheti, Fatmir Besimi dhe Talat Xhaferi, se po përpiqen të përdorin çështjet e studentëve për përfitime politike dhe rikthim në pushtet.
Në reagim, VLEN thekson se çështje të tilla si provimi i jurisprudencës në gjuhën shqipe dhe të tjera të ngjashme, sipas tyre të lëna pa zgjidhje nga BDI, do të trajtohen në të ardhmen.
Deklarata përfundon me vlerësimin se qytetarët shqiptarë kanë dhënë tashmë verdiktin e tyre në zgjedhje dhe se, sipas VLEN, BDI “ka përfunduar ciklin e saj politik”.
