Presidentja bullgare Iliana Jotova deklaroi se Sofja zyrtare nuk do të heqë dorë nga bullgarët në Republikën e Maqedonisë së Veriut dhe do të vazhdojë të mbrojë të drejtat e tyre. Kreu i shtetit theksoi se Bullgaria dhe Maqedonia e Veriut ndajnë histori të përbashkët dhe nuk kanë asgjë për të ndarë. Jotova kundërshtoi provokimet dhe poshtërimet ndaj të cilave u nënshtrohen qytetarët e vendit fqinj perëndimor, me vetëdije kombëtare bullgare.
SINKRON: ILIANA JOTOVA, PRESIDENTE BULLGARE
“Në Republikën e Maqedonisë së Veriut sot flitet me shumë urrejtje e shumë përçarje për bullgarët. Ndërsa, historia jonë është e përbashkët. Çfarë kemi për të ndarë? Edhe sot ka provokime e poshtërime. Është detyrë e ne politikanëve dhe e të gjithë njerëzve, që të ngrihemi kundër kësaj urrejtjeje e kundër kësaj përçarjeje. Ne nuk do t’ju tradhtojmë. Nuk do të heqim dorë nga ju dhe do t’i mbrojmë të drejtat tuaja, të çdo njeriu. Dhe kjo nuk është deklaratë politike”
Ajo ka deklaruar se ky është leximi i vërtetë i testamentit të ilindenasve, të cilët e dinin se vetëm në unitet, vetëm në bashkimin e një populli. Yotova gjithashtu u bëri thirrje bullgarëve të ngrenë kokën me krenari duke ndjekur shembullin e paraardhësve të tyre.
“Këta heronj që po na shikojnë nga lart tani do të shikojnë me një buzëqeshje dhe do të thonë se ne jemi të denjë për sakrificën e tyre”, deklaroi presidentja bullgare./SHENJA/
The post (VIDEO) Jotova: Nuk do të heqim dorë nga bullgarët e Maqedonisë së Veriut appeared first on TV-SHENJA.
