Të gjithë nxënësit e shkollave fillore të komunës së Kisella Vodës do ta nisin vitin e ri shkollor me uniforma të reja falas. Janë siguruar mjete në vlerë prej 5 milionë denarë që do të shpenzohen për uniforma, si pjesë e strategjisë për sigurimin e mundësive të barabarta për të gjithë fëmijët. “Në këtë mënyrë besoj se krijojmë një përditshmëri më të këndshme për të gjithë fëmijët, reduktojmë pabarazinë dhe zvogëlojmë mundësinë e diskriminimit që shpesh përfundon me bullizëm. Kjo do të nënkuptojë edhe standardizimin e kodit të veshjes, që është shembull i zakonshëm në vendet shumë të zhvilluara” – tha kryetari Gjorgjievski.
