UNIBanka AD Shkup edhe këtë vit është partner tradicional i një prej manifestimeve kulturore më prestigjoze në vend, “Vera e Ohrit”. Me këtë iniciativë, Banka konfirmon mbështetjen e saj të vazhdueshme për ngjarje të rëndësishme kulturore, duke theksuar se kultura dhe arti janë pulsi i një shoqërie. Ato i bashkojnë njerëzit, ruajnë identitetin dhe krijojnë vlera që zgjasin.
Edicioni i 66-të i festivalit mbahet nga 12 korriku deri më 20 gusht, me një program të pasur që ndërthur muzikën, teatrin, baletin dhe interpretime të ndryshme artistike nga skena vendase dhe ajo ndërkombëtare.
Nën moton “Arti bashkon, frymëzon dhe transformon”, Ohri do të jetë përsëri skenë e artit kulmor, ku historia dhe krijimtaria bashkëkohore gërshetohen në një ritëm unik. Koncertet dhe shfaqjet teatrore do të mbahen në lokacione unike si kisha “Shën Sofia” dhe Teatri Antik, duke kontribuar në ruajtjen dhe gjallërimin e trashëgimisë kulturore dhe rritjen e dukshmërisë së saj ndërkombëtare.
Çdo vit, mbi 30.000 vizitorë nga vendi dhe jashtë tij shijojnë artin cilësor, duke përjetuar atmosferën unike që ofrojnë skenat në një prej qyteteve më autentike dhe mbresëlënëse – Ohrin.
Mbështetja e kulturës është pjesë e angazhimit të UNIBanka-s për të krijuar vlerë në komunitet, duke lënë një gjurmë të qëndrueshme për të ardhmen. Si një kompani me përgjegjësi shoqërore, Banka investon vazhdimisht në projekte që synojnë ruajtjen e trashëgimisë kulturore, arsimin, sportin dhe rininë, duke kontribuar në zhvillimin e një mjedisi ku talenti, kreativiteti dhe dija marrin mbështetjen e duhur.
Edhe këtë verë, me UNIBanka-n, Ohri do të shkëlqejë në ritmin e artit që frymëzon dhe bashkon.
