Një 50-vjeçare nga Tetova ka denoncuar keqpërdorimin e kartelës së saj debitore, pasi ka konstatuar se nga llogaria e saj rrjedhëse janë kryer disa transaksione të paautorizuara.
Sipas informacioneve nga SPB Tetovë, ajo e ka raportuar rastin në polici pasditen e djeshme në ora 14:00.
Në maj të këtij viti, përmes shërbimit “mobile banking”, ajo kishte vënë re se i mungonin mjete në llogari, por për shkak të lejes mjekësore (pushimit mjekësor) nuk kishte mundur ta verifikonte rastin në bankë.
Më 17 qershor, kur ka tërhequr pasqyrën bankare, ajo ka parë se përgjatë një viti ishin realizuar transaksione të shumta të paautorizuara, me çka është dëmtuar për rreth 80.000 denarë.
