Prokuroria e Manastirit kërkon sërish nga gjykata të miratojë vendim për ngrirjen e 3 milionë eurove nga llogaria bankare e kompanisë RUD-KOP, për shkak të dyshimeve të bazuara se paratë janë siguruar në mënyrë joligjore në rastin e keqpërdorimeve në TEC Manastir. Kërkesa e Prokurorisë vjen pasi Gjykata në Manastir, duke vepruar në bazë të ankesës së kompanisë, zëvendësoi vendimin për ngrirjen e parave, me masën tjetër – ndalesë për të përdorur dhe shitur patundshmëri dhe automjete, në pronësi të kompanisë. Por me këtë vendim, prokuroria konsideron se rrezikohet kthimi i parave të përfituara në mënyrë joligjore nëse vërtetohet vepra penale. Prokuroria dorëzoi akuzë ndaj 10 personave, përfshirë ish drejtorit të TEC Manastirit Pece Matevski, për keqpërdorime me procedurat e tenderit. /Alsat.mk
