Të mërkurën Këshilli Gjyqësor duhet të shqyrtojë raportin plotësues mbi përgjegjësinë e ushtrueses së detyrës kryetare e Gjykatës Themelore në Kumanovë, Snezhana Manev. Raporti paraprak në të cilin ishte konstatuar shkelje e sistemit AKMIS dhe cenim i raporteve ndër njerëzore brenda gjykatës, nuk e solli Manevan deri tek përgjegjësia morale dhe ligjore. Këshilli përgatiti raport plotësues, përmbajtja e të cilit mund të bëhet e ditur në seancën e ditës së mërkurë, në rast se i njëjti nuk tërhiqet nga procedura për shqyrtim. Në raport nga vizita e 1 shkurtit 2023 mes shkeljeve të shumta, procedurave jo ligjore dhe sistemimit jo adekuat është konstatuar edhe qasja nacionale dhe nënçmuese e kryetares Maneva e cila ndaj gjykatësve shqiptar përdor terme si “shqiptari, të paaftë” dhe “gjedhe”. Për të mos mjaftuar gjendja faktike nga raporti që Maneva të mbajë përgjegjësi, e njëjta së fundi i është nënshtruar dy herë testimit psikologjik. Më 4 korrik kur Maneva i ishte nënshtruar testimit, Instituti për hulumtime juridike, politike dhe sociologjike kishte konstatuar se Maneva nuk ka arritur të kalon testimin me sukës për shkak ndjesisë së lodhjes, prandaj i është rekomanduar testimit tjetër pas 10 ditëve. Pavarësisht rekomandimit, Maneva i është nënshtruar testimit më 31 gusht, ndërsa më 1 shtator Instituti ka njoftuar dhe rekomanduar që Maneva i plotëson kushtet që të zgjidhet kryetare e Gjykatës Themelore të Kumanovës. Mbi cilën bazë ligjore është bazuar testimi i dyfishtë, këtë mbetet ta shqyrton Këshilli Gjyqësor në mbledhjen e ardhshme. Shkeljet e Manevas ishin miratuar edhe në raportin e 13 marsit, raport i cili në Këshill është votuar me 8 vota “për” dhe 4 vota “kundër”. Paraprakisht më 11 mars ministri i Drejtësisë, Krenar Lloga adresoi kërkesë tek Këshilli Gjyqësor që të ndërmerr masa urgjente ndaj ushtrueses së detyrës kryetare e Gjykatës së Kumanovës. /Alsat.mk
Data 03.10.2023
Aktuale
- Prokuroria në Beograd për Radojiçiq: Për 9 muaj bleu armë nga Bosnja e Hercegovina, i dërgoi në Kosovë
- Zbulohet se kur dot të rikthehet Loftus-Cheek të luajë me Milanin
- Rritet numri i punëtorëve në muajin gusht, ulje ka në sektorin e minierave
- Mbi 95 për qind e subjekteve afariste përdorin kompjuterë në punën e tyre, mbi 50 për qind kanë ueb faqe
- Nuk do ta njihni, kështu dukej Shyhrete Behluli në fillimet e nusërisë
- Tregtarët shmangin pagesat me kartelë për t’i ikur provizionit
- Mickoski: Pas diktatit bullgar qëndrojnë interesat ruse!
- Zyberi: Burgjet të mbipopulluara, me kushte çnjerëzore!