Taulant Balla dëshmitar në dosjen “Partizani”, kreu i Grupit të PS, i pari që do të dëshmojë në GJKKO! SPAK kërkon të pyetet edhe Paro Laçi e Albert Xhani

Për dosjen “Partizani” në GJKKO, seanca e radhës pritet të vijojë me dëgjimin e dëshmitarëve të thirrur nga Prokuroria e Posaçme Kundër Korrupsionit dhe Krimit të Organizuar (SPAK).

I pari që do të dëshmojë në seancën e ardhshme do të jetë Taulant Balla. Ai pritet të japë dëshminë e tij në cilësinë e personit që ka paraqitur kallëzim në lidhje me çështjen.

GJKKO ka pranuar edhe kërkesën e Sali Berishës që si dëshmitar të thirret edhe kryeministri Edi Rama. 

Po ashtu, SPAK ka kërkuar që si dëshmitar të pyetet edhe biznesmeni Paro Laçi, i cili është përfshirë në listën e personave që do të thirren gjatë shqyrtimit gjyqësor.

Në të njëjtën listë dëshmitarësh janë parashikuar gjithashtu edhe Albert Xhani dhe Isa Tare.