Arben Taravari nga Gostivari ka shpallur kandidaturën e tij për president të shtetit.
Ai tha se për të është privilegj që ka marrë besimin nga partitë e LEN-it dhe të Aleancës për Shqiptarët.
Taravari tha se është i bindur në përkrahjen e tyre dhe se pret votë nga të gjithë.
Taravari u shpreh se ka ardhur koha që Maqedonia e Veriut të ketë një president shqiptar, të vërtet dhe jo teknik.
“Çdo kandidat tjetër i dëshirojë sukses dhe le të jetë kjo fushatë tregim për europizim dhe triumf. Ndryshimi ka filluar dhe kjo shihet”, tha Taravari, raporton SHENJA.
