Zjarrfikës nga Maqedonia, Shqipëria, Bullgaria dhe vendi nikoqir, Greqia, në prill do të mbajnë stërvitjen e përbashkët në qytetin grek Ptolemaida, në mënyrë që të sillen konkludime për bashkëpunimin, deklaroi ministri alternativ grek për Mbrojtje Civile për agjencinë greke të lajmeve ANA-MPA. Nikos Toskas, thotë se pozita e qytetit Ptolemaida, nga shumë aspekte ndihmon në bashkëpunimin me vendet ballkanike. Siç lajmëron korrespondenti i MIA-s në Athinë, themelet e bashkëpunimit konkret midis katër vendeve ishin vendosur në mbledhjen ministrore në Selanik, në tetor të vitit të kaluar, ndërsa fillimi zyrtar i bashkëpunimit u shënua me takimin e udhëheqësve të shërbimeve për mbrojtje dhe shpëtim kundër zjarrit nga Maqedonia, Shqipëria, Bullgaria dhe Greqia, pikërisht në Ptolemaida, para dy muajve. Në qytetin grek Ptolemaida, në pjesën veriore të Greqisë, ndodhet edhe Shkolla për zjarrfikës, ndërsa menjëherë pranë akademisë do të ndërtohet dhe Qendra ndërkombëtare për mbrojtje civile. Sipas agjencinë greke të lajmeve ANA-MPA, qendra për trajnim dhe praktikë për menaxhim me të gjitha katastrofat natyrore, veçanërisht me zjarret, që është inicuar nga ministri grek Toskas, do të jetë mundësi e mirë për menaxhimin e metodave të reja dhe krijimin e frontit të përbashkët për mbrojtje civile midis vendeve të Ballkanit Perëndimor.
