MPB njofton se më 08.06.2025, në orën 17:43, në autostradën Tetovë – Gostivar, punonjës policie nga Stacioni i Sigurisë në Qarkullimin Rrugor në Tetovë, arrestuan V.M. (24) nga fshati Pirok, rajoni i Tetovës. Gjatë kontrollit rrugor dhe veprimeve të ndërmarra, policia konstatoi se V.M. po drejtonte një veturë “Volkswagen Golf” me targa të Tetovës me shpejtësi 162 km/orë në vend ku shpejtësia maksimale e lejuar është 80 km/orë. Personi u arrestua dhe pasi rasti të dokumentohet plotësisht, kundër tij do të ngrihet padi sipas nenit 297-a të Kodit Penal – “drejtimi i pakujdesshëm i mjetit motorik”.
