Selmani: Ali Ahmeti në takim të liderëve ka kërkuar amnistimin e Gruevskit

Në debatin Dialog Plus në Rtv Dukagjini mysafir është deputeti i BDI-së, Rexhail Ismaili dhe analistët Fejzi Hajdari, Naser Selmani dhe Imer Mushkolaj. Deputeti i BDI-së, Ismaili ka thënë se nuk do ketë amnisiti për të dyshuarit per krime. Mirëpo këtë e ka demantuar analisti Naser Selmani, sipas të cilit Ali Ahmeti ka kërkuar amnistim të Nikolla Gruevskit edhe atë në takimin e fundit të liderëve, transmeton Gazeta Lajm. “Informacionet e mia flasin që në takimin e fundit të liderëve Ali Ahmeti prej fillimi deri në fund ka kërkuar amnistim të Gruevskit. Më pas Bujar Osmani është munduar ti japë kontekst se amnistimi i Gruevskit është me rëndësi kombëtare”, ka thënë Selmani.