Nga komuna e Çairit kanë reaguar pas akuzave që është duke ja bërë në adresë të saj kryetarja e Qytetit të Shkupit, Danella Arsovska, lidhur me legalizimin e banesave. Sipas tyre, komuna e Çairit është nën sulm dhe ju vie keq që Arsovska në muajt e fundit të mandatit të saj në krye të Qytetit të Shkupit, në vend se të përqendrohet në prezantimin e punëve që ka bërë gjatë katër viteve, lejoi që ta instrumentalizojnë dhe të shndërrohet në ekzekutore të agjendave të dyshimta politike, të cilat jo rastësisht e kanë zgjedhur pikërisht Çairin dhe banorët e tij për të bërë betejat e tyre finale politike.
“Qytetarët kanë pritur që z.Arsovska të ishte zëri i moderimit, ura lidhëse dhe promotore e dialogut mes palëve të polarizuara. Si kryetare e pavarur e Qytetit, zëri i saj duhej të ishte servis i qytetarit në nevojë, jo i partive politike, i procesit të legalizimit si domosdoshmëri elementare, jo si lluks. Për fat të keq, z. Arsovska lejoi që autoriteti i saj të përdhoset duke u shndërruar në paramilitare që vepron kundër ligjit dhe jashta autorizimeve që i takojnë me ligj.
Pyesim publikisht z. Arsovska: agjendën e kujt jeni duke e zbatuar? Kë po përpiqeni ta shpëtoni nga drejtësia duke prodhuar kriza aty ku nuk ka të tilla?
Ia bëjmë me dije z. Arsovska se Çairi kujtohet. Çairi dhe çairasit mbajnë mend edhe kohërat kur politika zyrtare e kishte kthyer Çairin në një geto, ndërsa çairasit në qytetarë të rendit të dytë. Imazhet që ka ofruar z. Arsovska si argëtim për masat, kanë rikthyer në kujtesën e Çairit ngjarjet e fund-viteve 80-të, kur shqiptarëve u rrënoheshin shtëpitë në Dizhon, ndërsa politikanët shqiptarë rrinin të fshehur nëpër “sarajet” e politikës.
Jeni të lexuar. Për këtë sulm ndaj Çairit porositësit do të marrin përgjigje shumë shpejtë”, thuhet në komunikatën e komunës së Cairit.
Data 22.06.2025
Aktuale
- Iu konstatuan në kanalet kulluese 1 mijë bimë kanabis, 48-vjeçari përfundon në prangat e policisë
- Ambasada Amerikane në Shqipëri shpërndan mesazhin e Trump pas bombardimeve në Iran: mesazhin e Trump: Çdo hakmarrje ndaj SHBA, do të përballet me forcë shumë më të madhe
- Temperatura deri në 36 gradë, ja si parashikohet moti për ditën e sotme në të gjithë vendin
- Shtetases së Kosovës i konfiskohet vetura në Ulqin, zbardhen detajet e hetimit ndërkombëtar
- Përmirësoni përvojën tuaj fotografike me aplikacionin e ri të Adobe për iPhone-in
- Sulmet iraniane në Izrael: 25 të vrarë, mijëra të lënduar dhe dëme miliarda
- Takim Dimitrieska-Koçoska – Vukoviq: Maqedonia merr kryesimin e Këshillit Drejtues të Qendrës për Zhvillimin e Financave – CEF
- Katër vite në arrati në Britani: Si u zhduk Lorenc Lala, i dyshuar se pagoi 50 mijë euro për eliminimin e Albi Bashaliut në Peqin?