PSP publikoi raportin: Janeva ka dëgjuar 70% të “bombave”

Në Raportin të PSP-së theksohet se prokurorët kanë arritur të dëgjojnë 70 për qind të materialeve të përgjuara në mënyrë të paligjshme. Kjo prokurori posedon 606.555 audio-incizime.
“Përfshirë datën e dorëzimit të këtij Raporti janë analizuar përmbajtja e 424 589 audio-incizimeve të cilat i disponon kjo Prokurori Publike, dhe janë përpunuar 1039 transkripto ku në bazë të bisedimeve të përgjuara ka indikacione se ka vepra penale”, thuhet në raporton e PSP-së, transmeton SHENJA.
Prokurorja Janeva thekson se gjatë analizës dhe përpunimit të materialeve ka vazhduar edhe procesi i ndarjes së bisedave private nga bisedat që janë në përpunim.
“Nga gjithsej 424 589 biseda të analizuara, janë ndarë 152 680 audio-incizime për të cilat është vërtetuar se bëhet fjalë për biseda private”, ka thënë Janeva.