Problem për bashkësitë e vogla etnike: arsimimi, punësimi dhe aspekti kulturor

Pas përfunimit të projektit “Përmirësimi i pjesëmarrjes së bashkësive të vogla në nivel lokal” që organizohet nga Qendra Nacional e Romëve në Kumanovë dhe Organizata partnere “Avena” nga Koçani që financohet nga Delegacioni i Bashkimit Evropian në Maqedoni dhe INSOK, kanë konstatuar se problem kryesor për bashkësitë e vogla etnike në nivel lokal problemet janë arsimimi, punësimi dhe aspekti kulturor.
“Pas identifikimit të këtyre tre problemeve, është hartuar një strategji lokale për të realizuar këta të drejta përfaqë- suesit e bashkësive etnike më të vogla dhe kjo strategji do të dërgohet për miratim në njërën nga seancat e Këshillit të Komunës së Tetovës. Problem kryesor për bashkësinë etnike rome është shkollimi dhe e drejta për punësim dhe në këtë drejtim do të duhet të punohet më shumë, kurse për sa i përket aspektit kulturor vetë etnitetet duhet që të angazhohen në realizimin e të drejtave të tyre kulturore”, tha Gotovski. Në ndërkohë, nga komuna janë shprehur se strategjia e propozuar do të duhet që të miratohet edhe nga ana e Këshillit të komunës. Përndryshe, ky projekt është realizuar edhe në disa qytete të tjera të Maqedonisë.