Presidentja në detyrë e Venezuelës, Delcy Rodriguez, hodhi poshtë të hënën idenë që vendi i saj mund të bëhet një shtet tjetër i SHBA-së, duke riafirmuar sovranitetin dhe pavarësinë e Venezuelës.
“Kjo nuk është planifikuar. Nuk do të planifikohej kurrë, sepse nëse ka një gjë që ne venezuelasit kemi, ajo është dashuria për procesin tonë të pavarësisë”, tha Rodriguez në një konferencë për shtyp në Hagë, ku po merrte pjesë në seancat në Gjykatën Ndërkombëtare të Drejtësisë.
Rodriguez tha se Presidenti i SHBA-së Donald Trump “e di që ne kemi punuar mbi një axhendë diplomatike bashkëpunimi”, duke shtuar se diplomacia mbetet rruga përpara.
“Ne do të vazhdojmë të mbrojmë integritetin, sovranitetin, pavarësinë, historinë tonë, një histori që është lavdia e burrave dhe grave që dhanë jetën e tyre në mënyrë që ne të mos bëhemi koloni, por një vend i lirë”, tha ajo .
